Vai a sottomenu e altri contenuti

BURSAS DE ISTÙDIU A FAVORE DE SOS ISTUDIANTES DE SAS ISCOLAS SEGUNDÀRIAS DE SEGUNDU GRADU A.IS. 2017/2018 VOUCHER “IO STUDIO”2017

Data: 20/03/2018

COMUNE DE BIDONIU

BURSAS DE ISTÙDIU A FAVORE DE SOS ISTUDIANTES DE SAS ISCOLAS SEGUNDÀRIAS DE SEGUNDU GRADU A.IS. 2017/2018

VOUCHER ''IO STUDIO''2017

D. Lgs. 13/04/2017 n. 63 - Decretos MIUR n. 966 e n. 967 de su 13/12/2017 - Del. Giunta Regionale n.12/6 de su 6/03/2018

A V I S U

Si informant sos tzitadinos ca su Ministeru de s'Istrutzione, de s'Universidade e de sa Chirca (MIUR) depet erogare sas bursas de istùdiu (Voucher ''IoStudio'' 2017) pro sos istudiantes de sas iscolas segundàrias de segundu gradu istatales e paritàrias, pro comporare sos libros de iscola, pro sas ispesas pro sa mobilidade e su trasportu, pro otènnere benes e servìtzios culturale.

Sas bursas de istùdiu ant a èssere erogadas a sos benefitziàrios cun s'emissione de voucher in forma virtuale, chi si podent imprentare e ispèndere in sas atividades cummertziales cunventzionadas a manera apòsita pro s'initziativa.

S'importu de ogni bursa de istùdiu est de 200 èuros. Custu importu s'at a pòdere torrare a valutare in raportu a su nùmeru totale de sos chi ant a èssere ammìtidos a benefitziare de sas risursas finantziàrias a disponimentu de sa Regione Sardigna pro s'annu 2017, chi sunt 1.013.371,79 èuros, a su prus fintzas a 500 èuros, comente prevididu dae sos disponimentos ministeriales.

Sa Regione Sardigna at a fàghere una graduatòria ùnica regionale de sos benefitziàrios in òrdine de ISEE dae su prus bassu a su prus artu, ponende prima s'istudiante prus giòvanu d'edade in casu de ISEE uguale, fintzas a s'acabbu de sa dotatzione finantziària atribuida a sa Regione. Sa graduatòria at a èssere trasmìtida a su MIUR pro s'erogatzione de sas bursas.

Sos benefitziàrios de su Voucher ''IoStudio'' 2017, giai titulares de una Carta de s'Istudiante ''IoStudio'', dae su 2 de maju 2018 ant a pòdere bìere su borsellinu eletrònicu in s'Àrea pròpia riservada de su Portale de sa Carta de s'Istudiante (http://iostudio.pubblica.istruzione.it/), sas categorias mertzeològicas de bendidores pro seberare e s'importu de su bonus de iscarrigare.

Sas summas a disponimentu non tenent unu lìmite de tempus pro ddas ispèndere, ma no ant a èssere prus a disponimentu cando non ddu at a èssere prus sa cunditzione de istudiante de sas iscolas segundàrias de segundu gradu.

Sos benefitziàrios de su Voucher ''IoStudio'' chi tenent netzessidade de assistèntzia podent leare cuntatos cun sa redatzione IoStudio - La Carta dello Studente a s'indiritzu de posta eletrònica: iostudio@istruzione.it.

PRO OTÈNNERE SA BURSA DE ISTÙDIU (VOUCHER ''IoStudio'' 2017) TOCAT A:

1. èssere iscritos pro s'a.is. 2017/2018 a sos Istitutos de s'iscola segundària de segundu gradu de su sistema natzionale de istrutzione (iscolas istatales e paritàrias);

2. tènnere s'Indicadore de sa Situatzione Econòmica Ecuivalente (I.S.E.E.) de sa famìlia chi non siat prus artu de 14.650,00 èuros;

3. presentare sa domanda a su Comune de residèntzia (Ufìtziu: Servìtziu sotziale), a INTRO DE SU 30 DE MARTZU 2018, compilende su mòdulu apòsitu e presentende paris custa documentatzione:

- fotocòpia de s'atestatzione de s'ISEE no iscadidu e cunforma a sa normativa previdida dae su DPCM n.159/2013;

- fotocòpia de su documentu de identidade no iscadidu de su rechedente.

Sa domanda podet èssere presentada dae su genitore, dae su rapresentante legale de s'istudiante o dae su matessi istudiante si at lòmpidu sos 18 annos.

MODULÌSTICA E INFORMATZIONES

Sa modulìstica de impreare est a disponimentu in su situ de sa Regione Sardegna: www.regione.sardegna.it, in su situ de su Comune: www.comune.bidoni.or.it e in s'Ufìtziu de Servìtziu Sotziale.

Pro informatziones:

Ufìtziu Servìtziu Sotziale

Dies e oràriu de abertura: lunis e chenàbura 11,00 - 13,00.

Telèfono: 0783/69044 Posta eletrònica: assistente.sociale@comune.bidoni.or.it

Bidoniu, su12/03/2018

SU SÌNDIGU

D.ssa Ilaria Sedda

Documenti allegati

Documenti allegati
Titolo  Formato Peso
Avisu Formato pdf 42 kb
Modulu Formato pdf 31 kb

A chi rivolgersi

A chi rivolgersi - Referente
Ufficio/Organo: Servizi Sociali
Referente: Maria Mascia
Indirizzo: Via Taloro 3, 09080 Bidonì (OR)
Telefono: 078369044  
Fax: 078369407  
Email: assistente.sociale@comune.bidoni.or.it
Email certificataa:
Scheda ufficio: Vai all'ufficio
torna all'inizio del contenuto
torna all'inizio del contenuto